By: dr.zahid Sheikh
پیڑ سے اب ایک تنکا ہو گئے
کل کے ارفع آج ادنیٰ ہو گئے
اپنی ہستی پر کوئی نازاں ہو کیوں
ابر آخر موج دریا ہو گئے
مفلسی میں ہیں کہاں عشرت کے یار
رونق محفل تھے عنقا ہو گئے
اڑ چکا ہے رنگ الفت شہر سے
لوگ کل تھے کیا مگر کیا ہو گئے
کم ہی ملتے ہیں کسی سے ، جب سے ہم
اس زمانے سے شناسا ہو گئے
اک ستم گر ہی کہا ، کیا جھوٹ ہے ؟
آپ برہم ہم پہ بے جا ہو گئے
جب مسیحا نہ ملا کوئی انھیں
زخم خود اپنا مداوا ہو گئے
جب سے چاہا ہے تجھے اے دوست ہم
کس قدر دنیا میں تنہا ہو گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?