By: ورد بزمی
چند لمحے یہاں ٹھہرنا ہے
ہر گھڑی شیطنت سے ڈرنا ہے
موت کی دسترس سے کون بچا
اک نہ اک دن سبھی کو مرنا ہے
کچھ بھی ہو تار تار ہو نہ لباس
خارزاروں سے یُوں گزرنا ہے
خشک رکھنا ہے اپنا دامن بھی
اور دریا میں بھی اترنا ہے
وَرۡد کب تک کھلا رہے گا ندیم
آخرِ کار اسے بکھرنا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?