By: AzharM
دل کوٹھے ٹپ ٹپ جاندا اے
کی رکھیا اے میں کی جانڑاں
جیہڑا بیٹھا ٹُک ٹُک کھاندا اے
دل کوٹھے ٹپ ٹپ جاندا اے
اگ وردی اے، مینہہ پیندا اے
اے پنگے جا جا لیندا اے
میں لکھ آکھاں میرے نیڑے بیہہ
اے اوس دوالے رہندا اے
فر ڈھیر پھواڑے پاندا اے
دل کوٹھے ٹپ ٹپ جاندا اے
کوئی تکدا اے، کوئی ہسدا اے
اے پاگل وانگو نسدا اے
کیہڑی چور کڑکی لائی آ
جو ہسدا ہسدا پھسدا اے
تیرا دانا چُگ چُگ کھاندا اے
دل کوٹھے ٹپ ٹپ جاندا اے
چل منت اے ہن پھس جا توں
میری بن جاویں گی دس جا توں
اے بھاں بھاں کردا ویہڑا اے
گھر خالی اے آ وس جا توں
اے مینوں مغروں لاندا اے
دل کوٹھے ٹپ ٹپ جاندا اے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?