By: Dr.Zahid Sheikh
لڑکا
۔۔۔۔۔۔۔۔۔۔۔
یہ بھیگی رات بلاتی ہے میری جاں آ جا
سلگ رہا ہوں نہ لے میرا امتحاں ا جا
بکھیر دے میرے شانے پہ ریشمی زلفیں
اتار دے میری سانسوں میں عنبریں سانسیں
ہوا ہے سرد محبت کا ہے سماں آ جا
سلگ رہا ہوں نہ لے میرا امتحاں آ جا
وہ تیرا پیار جتانا بھلا نہیں سکتا
تڑپ کے سینے لگانا بھلا نہیں سکتا
کہاں میں ڈھونڈوں تجھے ،آج ہے کہاں ہے آ جا
سلگ رہا ہوں نہ لے میرا امتحاں آ جا
میں تھام لوں تیرے ہاتھوں کو پیار سے جاناں
آ چوم لوں تیری پلکوں کو پیار سے جاناں
تو آج چھوڑ کے میرے لیے جہاں آ جا
سلگ رہا ہوں نہ لے میرا امتحاں آ جا
یہ بھیگی رات بلاتی ہے میری جاں آ جا
سلگ رہا ہوں نہ لے میرا امتحاں آ جا
(اس گیت کا دوسرا حصہ بھی جلد پیش کر دیا جائے گا
تب تک کے لیے محترم قارئین اور دوست خاطر جمع رکھیں
شکریہ)
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?