By: UA
ان کی گلیوں میں آتے جاتے ہیں
ان کی چاہت کے گیت گاتے ہیں
ان کی راہوں سے گزرنے والے
میری آنکھیں بھی لئے جاتے ہیں
مجھ کو آکر تیری اداؤں کے
قصے وہ بارہا سناتے ہیں
وہ تیرا ہنسنا بولنا چلنا
اک نئے ڈھنگ سے بتاتے ہیں
اور ہم ساتھ ساتھ رہ کر بھی
راز دل خود سے بھی چھپاتے ہیں
میری دھڑکن میں جو دھڑکتے ہیں
اپنے خوابوں میں انہیں پاتے ہیں
ہم تیرے انتظار میں شب بھر
اپنے دل کا دیا جلاتے ہیں
آ کے جلوہ ہمیں دکھا جاؤ
چاند بن عید کب مناتے ہیں
تم ہی میری صدا نہیں سنتے
ہم تو اکثر تمہیں بلاتے ہیں
تیرے آنے کی خبر سنتے ہی
ہم تو ہر غم کو بھول جاتے ہیں
تیرے دل کو لبھانے کی خاطر
نت نئے گیت گنگناتے ہیں
عظمٰی کب تک یہ راز راز رہے
وہ جو ہم روز ہی دہراتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?