By: Muhammad Zia Siddiqui
اے باد مخالف تھم کے ذرا
خوابیدہ ضمیر اب جاگ گئے
بس یاد رہے وہ اور تھے جو
میدان عمل سے بھاگ گئے
کیوں چین سے جینا راس نہیں
تم بدلو شاطر چالوں کو
اسلام امن کا گہوارہ
مت چھیڑو ان متوالوں کو
باقی ہے عصاء موسی ابھی
پھر دیکھنا سارے ناگ گئے
بس یاد رہے وہ اور تھے جو
میدان عمل سے بھاگ گئے
جذبات کی بجلی کڑکے گی
طاغوطی مندر ٹوٹیں گے
عبرت انگیز کہانی کے
پھر مزے مؤرخ لوٹیں گے
جب حق کا ترانہ گونجے گا
باطل کے سارے راگ گئے
بس یاد رہے وہ اور تھے جو
میدان عمل سے بھاگ گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?