By: وشمہ خان وشمہ
رنگ پھولوں سے چرا لیتی ہوں میں
خواب پلکوں پہ سجا لیتی ہوں میں
چن کے تیرے پیار کی خوشبو کبھی
اپنے دامن میں سجا لیتی ہوں میں
بیٹھتی ہوں جب بھی طاقِ ہجر میں
دیپ یادوں کے جلا لیتی ہوں میں
مٹ رہا ہو جب کبھی دیوار سے
تیرا چہرہ پھر بنا لیتی ہوں میں
تیری دلکش پیار کی یہ روشنی
اپنے اندر خود سما لیتی ہوں میں
وشمہ اپنی مسکراہٹ بانٹ کر
تیری الفت کی دعا لیتی ہوں میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?