By: Sidra Subhan
مشکلیں اپنی جگہ ہیں حوصلے اپنی جگہ
منزلوں کی کھوج میں فاصلے اپنی جگہ
اپنی مٹی کس قدر آباد ہے دیکھو! مگر
اسکی تہہ میں سراٹھاتے زلزلے اپنی جگہ
زندگی کی زرنگاری ہے بہت دلکش مگر
مصلحت کی چادروں میں مسئلے اپنی جگہ
ذات پررشتوں کی گہری چھاپ کا جلوہ الگ
روح سے جڑتے ہوئے کچھ سلسلے اپنی جگہ
پالتے تدبیر کے پنچھی کو ہم بھی ناز سے
وقت کے ہاتھوں میں پلتے حادثے اپنی جگہ
عادتیں رخ پھیر لیتی ہیں مناسب وقت پر
لمحہ لمحہ ساتھ رہتے مشغلے اپنی جگہ
یوں تو دل بھی کانپتا ہے آمد طوفان سے
موج سنگ بہنے کے لیکن ولولے اپنی جگہ
چاہتوں کی ٹھنڈی چھاؤں مل گئی سدرہ مگر
نفرتوں کے دھوپ ملتے قافلے اپنی جگہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?