By: NEHAL INAYAT GILL
درد مندوں کو ستانا ہے میرے شہر میں عام بات
کسی کا بھی حق کھانا ہے میرے شہر میں عام بات
مُردوں کو جلاتے ہیں ترے شہر والے افسردگی میں
جناب! زندوں کو جلانا ہے میرے شہر میں عام بات
رکھ کے کمزور کی گردن پہ پاؤں ہنسنا ، ناز کرنا
یوں اپنا سکہ منوانا ہے میرے شہر میں عام بات
کسی حادثے پہ میں کیا کروں اظہارِ غم بتاؤ!
روز بروز دہشت پھیلانا ہے میرے شہر میں عام بات
پتھر رکھ لیے ہیں ہم نے سینوں میں دل کی جگہ
دل توڑنا دل دُکھانا ہے میرے شہر میں عام بات
جنگل میں شاید ہو کچھ اِس سے بہتر نظامِ حیات
یہاں زخمی کو تڑپانا ہے میرے شہر میں عام بات
نہال اگرچہ جلاتے ہیں سبھی شب میں چراغِ محبت
شب میں شمع بجھانا ہے میرے شہر میں عام بات
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?