By: Sajid Awan
چہرے وہی ہیں پھر بھی دیکھو نام بدلتے رہتے ہیں
یہ لوگ جھوٹی دُنیا کےصبح شام بدلتے رہتے ہیں
ہم درد کے ماروں کا دن رات تماشہ ہوتا ہے
آغاز بدلتے رہتے ہیں انجام بدلتے رہتے ہیں
کچھ لوگ ہیں جن کی چَاہت میں ہر پَل دل تڑپتا ہے
وہ لوگ دل کی دنیا میں قیام بدلتے رہتے ہیں
ہم خون کے دِیے جلا جلا کر پوجا جن کو کرتے ہیں
وہ دل کے سارے جذبوں کے دام بدلتے رہتے ہیں
اِس بات کا رونا ہے کہ وہ چپ چاپ ہمیں چھوڑ گیا
دنیا میں تو لوگ ساجد سرِعام بدلتے رہتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?