By: MUBASHAR ABBAS
پڑ گئی ماند ایماں کی تابندگی
بن گئی زندگی وجہ شرمندگی
باہمی رنجشیں درد سر بن گئیں
پھیل کرنفرتیں وجہ شر بن گئیں
زندگی کے لیے باعث عار ہیں
ہم گنہگار ہیں ، ہم گنہگار ہیں
ایک دھبہ ہیں ہم، نام اسلام پر
طنز ہیں ایک قران کے پیغام پر
اپنے کردار پر پھر بھی نادم نہیں
عزم ہیں جان بلب غیرتیں مر گئیں
طعنہ زن ، رات دن ہم پہ اغیار ہیں
ہم گنہگار ہیں ، ہم گنہگار ہیں
بندہ حق تھے ، بندہ شر بنے
طالب حق تھے ، طالب زر بنے
زر کی خاطر ضمیروں کے سودے کیے
کنکریں لے کے ہیروں کے سودے کیے
دام حرص و ہوس میں گرفتار ہیں
ہم گنہگار ہیں ، ہم گنہگار ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?