By: عبدالحفیظ اثر
مجھے تم سے تو کوئی بھی شکایت ہو نہیں سکتی
سوا تیرے کسی کی بھی تو چاہت ہو نہیں سکتی
تیرے در سے ہوں وابَستہ اٍسی میں آبرو میری
کسی بھی غیر کے در سے یہ نسبت ہو نہیں سکتی
تیرے ہی تو تصور میں یہ ہر لمحہ گزرتا ہے
تجھے میں بھول جاؤں یہ جسارت ہو نہیں سکتی
میرا تیرا تعلق بھی بڑا گہرا تعلق ہے
جہاں میں ہوں وہاں تو ہے کہ فرقت ہو نہیں سکتی
تیرے ہی درد میں راحت چھپی ہوتی ہے اے ہمدم
کسی بھی اور شے میں یہ تو لذت ہو نہیں سکتی
زمانہ روٹھ بھی جائے تو اُس سے اثر کو کیا غم
سوا تیرے اسے کس کی بھی حاجت ہونہیں سکتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?