By: Aisha Baig Aashi
بہت خاموش تھا منہ زور دھاروں میں کوئی تنہا
رہا تشنہ ہمیشہ نم کناروں میں کوئی تنہا
زمین و آسماں میں ایک قدرِ مشترک دیکھی
ہزاروں میں کوئی تنہا ستاروں میں کوئی تنہا
کھلا ہے آرزو کے روپ میں شاخِ تمنا پر
گلابِ خوش ادا بن کر بہاروں میں کوئی تنہا
غرض کے شہر کی اُس بِھیڑ کا دیکھا ہر اک منظر
دکھائی تُو دیا جیسے نظاروں میں کوئی تنہا
جو دل کی آنکھ سے دیکھوں میں عاشی آنکھ بھر آئے
تصور میں مرے ہے سوچ غاروں میں کوئی تنہا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?