By: Suhail Ahmad
ہو دعاؤں میں اپنی اثر اے خدا
رحم ہو جاۓ ترا اگر اے خدا
سارے اہل وطن شاد و آباد ہوں
اور لگے نہ انہیں پھر نظر اے خدا
کوئی محکوم ہو اور نہ محتاج ہو
زندگی چین سے ہو بسر اے خدا
اس چمن میں بہاروں کا ہی راج ہو
اور خزاں کا نہ ہو پھر گزر اے خدا
منزلوں کی طرف جو بھی ہیں گامزن
تلخ ان کا نہ ہو یہ سفر اے خدا
سال نو میں نہ ہو کوئی بھی حادثہ
عافیت عام ہو اس قدر اے خدا
آمین
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?