By: وشمہ خان وشمہ
تم اگر میرے نہیں ہو تو جتاتے کیوں ہو
پیار جھوٹا یہ زمانے کو دکھاتے کیوں ہو
خون ہی تم کو بہانا ہے تو کاٹو سر کو
زخم دل پر اے مرے یار لگاتے کیوں ہو
اس سے بہتر ہے کہ دنیا سے مٹا دو مجھکو
نام لکھ لکھ کے ہتھیلی پہ مٹاتے کیوں ہو
ذکر آتا ہے وفاؤں کا اگر محفل میں
یہ بتاؤ کہ مرا نام چھپاتے کیوں ہو
دیکھتے ہی مجھے نظروں کو چرانے والے
میری تصویر کو سینے سے لگاتے کیوں ہو
میرے آنے پہ ہے محفل میں تماشہ کیسا
میں چلی جاؤں گی کہرام مچاتے کیوں ہو
تم کو سچّائی کا گر خوف نہیں ہے صاحب
پھر یوں آواز کو وشمہ کی دباتےکیوں ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?