By: dr.zahid sheikh
امید کی کرنوں سے نئی دنیا بسا لے
ارمان بھرے شہر میں گھر ااپنا بنا لے
ہر دھوپ کے آنگن میں چھپی مست گھٹا ہے
دکھ درد کے سازوں میں بھی خوشیوں کی صدا ہے
مایوس نہ ہو آج ذرا ہنس لے ہنسا لے
ارمان بھرے شہر میں گھر اپنا بنا لے
ان غم کے اندھیروں میں نئے چاند کھلیں گے
کل بچھڑے سویرے بھی تجھے آن ملیں گے
تو دل میں محبت کے چراغوں کو جلا لے
ارمان بھرے شہر میں گھر اپنا بنا لے
دنیا میں تو الفت کے لیے دار و رسن ہے
محنت کے مقدر میں بھی غربت کا کفن ہے
ہمت ہے تو ہمت سے مقدر کو جگا لے
ارمان بھرے شہر میں تو گھر اپنا بنا لے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?