By: مرید باقر انصاری
جو بَھری بَزم میں اوروں سے جُدا لگتا ہے
اچھا لگتا ہے مگر اہلِ جَفا لگتا ہے
اُس کی ہو جاۓ فقیروں پہ اگر نظرِ کرم
موسمِ دِل کا ہَر اِک پیڑ ہَرا لگتا ہے
کیسے دے گا تُو زمانے کے سوالوں کے جواب
تُو کبھی سوچ اے دِل تیرا وہ کیا لگتا ہے
کوئ بھاۓ نہ تُجھے تو ہے تری آنکھ میں نَقص
آنکھ بہتر ہو تو سب کُچھ ہی بَھلا لگتا ہے
کوئ کیونکر میری کُٹیا کو جَلاۓ گا بَھلا
مُجھے دُشمن میرا اپنا ہی دِیا لگتا ہے
اِس زمانے میں محبت بھی گُناہ ہے شاید
یہ جو سارا ہی جہاں مُجھ سے خَفا لگتا ہے
کیسے کرتے ہیں وہ محبُوب کا شِکوہ باقرؔ
میں تو اِک لفظ بھی بولُوں تو بُرا لگتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?