By: شاذیہ مشکور
کہتے ہیں باغی مجھ کو زمانے والے
کہ یہ طور نہیں زندگی نبھانے والے
ٹوٹا بھی تو بکھرنے نہیں دیا خود کو
پچھتائے ہر بار مجھے آزمانے والے
دیکھا ہے کبھی تو نے پردوں کے پیچھے؟
روتے ہیں کس قدر دنیا کو ھنسانے والے
نہ لے اسقدر میرے صبر کا امتحاں
روئےگا بہت تو مجھ کو ستانے والے
میرے جنوں کی حدت سے اک آگ ہے ہر سو
جل نہ جائے تو ہی کہیں مجھ کو بجھانے والے
مجھ سے گریزاں ہیں اپنے بھی پرائے بھی
آتے کہاں ہیں مجھ کو وہ ہنر منانے والے
کہتے ہیں باغی مجھ کو زمانے والے
کہ یہ طور نہیں زندگی نبھانے والے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?