By: Azra Naz
برنگِ موجۂ اشکِ رواں بہنا نہیں آ تا
کہ آنکھوں کی زبانی دردِ دِل کہنا نہیں آ تا
تمہارا ساتھ ہی میرے لیۓ ہے قیمتی گہنا
کہ خوش اب تو مرے دِل کو کویٔ گہنا نہیں آ تا
ہمیشہ خوش نظر آتے رہیں کوشش تو ہوتی ہے
سبھی کہتے ہیں ہم کو خوش مگر رہنا نہیں آ تا
سمجھ پاتے نہیں وہ زندگی کی قدر و قیمت کو
کہ جِن کو دوسروں کا رنج و غم سہنا نہیں آ تا
ہمیشہ برملا کہتے ہیں ہم جو دِل میں آ تا ہے
سلیقے سے مگر اِک لفظ بھی کہنا نہیں آ تا
لگادی جان کی بازی بناں سوچے بناں سمجھے
وہ کہتے ہیں ہمیں جذبات میں بہنا نہیں آ تا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?