By: Ahsan Mirza
اک تنہا بوڑھی مائی نے
دیکھا جو چند جوانوں کو
اس کے مردہ چہرے پر
خوشیوں کی بہاریں چھاتی گئی
وہ خوش تھی کہ اب بھی ہے کہیں
کچھ آس امید بچ جانے کی
ذلت سے جان چھڑانے کی
یہ طالب ہے بہتر دنیا کے
یہ دور کریں گے ظلم و ستم
یہ عالم ہیں اس دھرتی کے
یہ توڑے گے غفلت کے صنم
یہ علم کے دیپ جلائے گے
اشجارِ شعور لگائے گے
اس پاک وطن کی مٹی سے
ایوان نئے بنائے گے
پھر میری ارضی بھی ہوگی
میں اپنا بھی غم کہہ دوں گی
یہ پوچھے گے کیسی ہو ماں؟
میں ماضیءِ بےکس کھولوں گی
میں کہہ دوں گی میرا بھی اک
جوان سہارا ہوتا تھا
ہر شب کا سہارا لیکر وہ
نویدِ سحر کو روتا تھا
وہ مارا گیا، نہلایا گیا
اس خون میں جو امانت تھا
اس ملت کے مستقبل کی
روشن اک ضمانت تھا
پر تم جو ہو تو سب کچھ ہے
تم سب کا سہارا بن جاؤ
بےباکی سے، حق گوئی کو
ظالم کے آگے تن جاؤ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?