By: وشمہ خان وشمہ
نہ زمیں پر نہ آسماں پر ہے
میرے ہمدم تو اب کہاں پر ہے
چشم افلاک دیکھتی ہے مجھے
نام تیرا ہی اب زباں پر ہے
ڈوب جائے نہ یادکا منظر
آنکھ میری بھی بادباں پر ہے
میں نے کھیلا ہے کھیل مرضی سے
کیا کرے گا یہ اب جہاں پر ہے
اس کو دیکھوں گی شام ڈھلنے تک
اک پرندہ تو آسماں پر ہے
موت آئے گی اب مجھے وشمہ
روح قبروں کے آستاں پر ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?