By: Riaz Ahmad Khan
سوچتا ہوں رات دن خوں میں بکھرتا کون ہے
دھیرے دھیرے یوں رگ جاں سے لپٹتا کون ہے
روشنی سی پھیل جاتی ہے دیار درد میں
آخر شب میرے آنگن میں اترتا کون ہے
جانے کس کی یاد کشت دل میں تازہ ہے ابھی
دیار دل میں روشنی لیکر پلٹتا کون ہے
وہ سر دریا سراپا ناز ہے کس کا خرام
موج دریا سے بھنور میں وہ الجھتا کون ہے
ایک خنکی سی فضائے گلستاں میں ہے ہنوز
کچھ پتہ ہے اے صبا یہاں سے گزرتا کون ہے
ٹوٹتا جائے زجاج جسم کا سارا غرور
شیشہ جاں میں رضا یہ رقص کرتا کون ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?