By: dr ch tanweer sarwar shakar
کبھی اترے گا وہ قسمت کے ستارے لے کر
وہ بھی زندہ ہے اگر خواب ہمارے لے کر
شاید اس طرح تری میری ملاقات رہے
تیری گلیوں میں میں پھرتی ہوں غبارے لے کر
کتنا محفوظ سمجھتا ہے مجھے لب دریا
مری آنکھوں میں وہ خوابوں کے سہارے لے کر
میں تو دریا ہوں کسی روز اتر جاؤں گی
وہ بھی آ جائے سمندر کے کنارے لے کر
کتنا بزدل ہے مرے سامنے آتا بھی نہیں
خواب دیکھےہے محبت کے سہارے لے کر
میری آنکھوں میں جو رہنا ہے تو، تُو بھی پڑھ لے
میں تو بیٹھی ہوں محبت کے سپارے لے کر
وہ مرا ہے تو مجھے آ کے ملے گا وشمہ
میں نہ نکلوں گی یہ وحشت کے سہارے لے کر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?