By: وشمہ خان وشمہ
جب نظارہ کہکشاں ہونے لگا
دل مرا پھر سے جواں ہونے لگا
آگ میں جلتے مناظر دیکھ کر
چشم حیراں میں دھواں ہونے لگا
دل کی دھڑکن میں قدم رکھتے ہی وہ
دل لگی کی داستاں ہونے لگا
پہلے پہلے پیار آنکھوں میں پڑھا
پڑھتے پڑھتے بیکراں ہونے لگا
ایک مدت بعد جو دیکھا اسے
عاشقی کا پھر گماں ہونے لگا
چاند جب نکلا تو وشمہ دل مرا
روشنی سے جاوداں ہونے لگا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?