By: dr.zahid sheikh
کوئی امید ہے کہ لوگ جیے جاتے ہیں
زیست کا زہر بھی ہنس ہنس کے پیے جاتے ہیں
گو وفا راس نہیں سادہ دلوں کو لیکن
ہم ہیں مجبور وفا تجھ سے کیے جاتے ہیں
تیری محفل میں ترستے ہیں سبھی تشنہء لب
جو ہیں مدہوش انھیں جام دیے جاتے ہیں
ہم کہ الفت میں منافع کے طلب گار نہیں
اس کو دل دے کے فقط درد لیے جاتے ہیں
ہم کھلا تے ہیں ہر اک سمت محبت کے کنول
آہ نفرت کے ہمیں خار دیے جاتے ہیں
کس سے ہوتا ہے بھلا چارہ جنوں کا زاہد
کب بھلا چاک گریبان سیے جاتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?