By: Hasan Shamsi
سب کچھ غلط سلط کیا جس دل کے واسطے
رکھتا تھا نرم گوشے وہ قاتل کے واسطے
قدموں کا بس شمار ، نہ رحت سفر فقط
عزم و یقیں بھی چاہئے منزل کے واسطے
انسانیت کا وصف ہے ظالم کی در گزر
نا کرد گی کا عزر بھی بز دل کے واسطے
شائد کی کچھ سکوں ترے دیدار سے ملے
دکھلا دے اک جھلک دل بسمل کے واسطے
مظلوم ٹھہرا آپ ہی واحد گواہ جرم
کیسے ثبوت لائے وہ عادل کے واسطے
طوفاں سے ساز باز تھی ‘ ہم کو پتہ نہ تھا
کیا کیا نہ ہم کیا کئے ساحل کے واسطے
ہم راہ مستقیم سے اتنا بھٹک گئے
ہموار اب زمین ہے با طل کے واسطے
کچھ بھی رہا نہ اب ، تو ‘ حسن ‘ سوچتا ہوں میں
کیوں دل لٹا دیا کسی سنگدل کے واسطے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?