By: Aitbar Sajid
نام ور ہیں نہ کوئی شہرتِ فن رکھتے ہیں
ہم فقط حرمتِ دستارِ سخن رکھتے ہیں
چاہے کاغذ پہ ہو بنیاد کہ خوابوں پہ اساس
ہرجگہ شہر بسانے کی لگن رکھتے ہیں
گل فروشی نہیں کرتے کہ نگہبان ہیں ہم
منصب پرسشِ احوالِ چمن رکھتے ہیں
اور کچھ خاص نہیں اپنی اداسی کا سبب
شہر میں رہتے ہیں ہم ، روح میں بن رکھتے ہیں
کوئی حکمت نہ مہارت نہ سلیقہ نہ ہنر
اک ذرا شعر میں بے ساختہ پن رکھتے ہیں
جن کا مسلک نہ ادب ہے نہ محبت ساجد
ان سے ہم کم ہی ذرا ربط سخن رکھتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?