By: Azra Naz
منتظر نہیں ہیں ہم اب ہم ترے سہاروں کے
ہو چکے ہیں واقف اب ساری رہگزاروں کے
سوچتے ہیں ہم اکثر ، کیا خطا ہوئی ایسی
کیوں بدل گیۓ آخر ، ذاوئیے ستاروں کے
حسن اپنی تابش کی ، تاب لا نہیں پایا
پیڑ جل رہے ہیں جو ، احمریں چناروں کے
بند کر دیا خود پر ہر خوشی کا در ہم نے
آ کے لوٹ جائیں گے،قافلے بہاروں کے
اختلاف ہو تجھ سے، کب ہماری جرأت ہے
منتظر ہی رہتے ہیں ہم ترے اشاروں کے
دوریوں کے ساگر کو پار کر نہیں سکتے
ہم عجیب باسی ہیں دو الگ کناروں کے
لوٹ کر تری جانب اب کبھی نہ آئیں گے
سب نشاں مٹا ڈالے تیری رہگزاروں کے
پیار ہے ہمیں عذراؔ صرف اپنی مٹی سے
دیکھتے نہیں ہیں ہم خواب چاند تاروں کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?