By: Dr.Zahid Sheikh
ملی ہو دیر سے وہ وقت آ نہیں سکتا
جو چاہوں بھی تمھیں دلہن بنا نہیں سکتا
میں چاہتا تھا تمھیں زندگی سے بھی بڑھ کے
مری وفا کی مگر تم نے قدر نہ جانی
مرے خلوص کو ٹھکرا دیا حقارت سے
نہ جان پائی مرے پیار کے کبھی معنی
جو گیت گائے وفا کے وہ گا نہیں سکتا
جو چاہوں بھی تمھیں دلہن بنا نہیں سکتا
تمھاری راہوں سے اب دور آ چکا ہوں بہت
ملی ہے پیار کی مجھ کو نئی حسیں منزل
کیوں مڑ کے دیکھوں امنڈتے ہوئے طوفانوں کو
ہے زندگی کو میسر سکوں بھرا ساحل
میں لوٹ کر انھیں راہوں پہ جا نہیں سکتا
جو چاہوں بھی تمھیں دلہن بنا نہیں سکتا
ملی ہو دیر سے وہ وقت آ نہیں سکتا
جو چاہوں بھی تمھیں دلہن بنا نہیں سکتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?