By: Syed Muazzam Ali
اے واعظ تو نے سچ جانا ہمیں اچھا نہیں لگتا
تیرا ممبر پہ فرمانا ہمیں اچھا نہیں لگتا
بہت اچھی جگہ ہے یہ محبت کی ردا ہے یہ
یہاں نفرت کو پھیلانا ہمیں اچھا نہیں لگتا
تیری آتش فشانی کا تیری شعلہ بیانی کا
کسی کا گھر جلا جانا ہمیں اچھا نہیں لگتا
کسی کی چوڑیاں ٹوٹیں کسی کی شوخیاں روٹھیں
کسی چادر کا چھن جانا ہمیں اچھا نہیں لگتا
کسی کا لال کھو جانا کسی کے بال کھل جانا
کسی کی آنکھ بھر آنا ہمیں اچھا نہیں لگتا
تیری آتش فشانی کا تیری شعلا بیانی کا
کسی کا گھر جلا جانا ہمیں اچھا نہیں لگتا
علی انسانیت کیا ہے وہی جو درس مولا ہے
سو تیرا درس مولانا ہمیں اچھا نہیں لگتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?