By: Dr.Zahid Sheikh
تمھارے پیار میں کہتا ہوں گیت اور غزلیں
تمھیں میں پا لوں یہی ایک میرا ارماں ہے
میں چاہتا ہوں تمھیں زندگی سے بھی زیادہ
بنا تمھارے کہاں زیست میری آساں ہے
تمھاری آنکھوں میں الفت کو دیکھتا ہوں میں
تو ایسا لگتا ہے جینے کا کوئی مقصد ہے
صدا تمھاری یونہی گیت بن کے آتی رہے
تو پھر جہان میں رہنے کا کوئی مقصد ہے
تمھاری زلفوں کی خوشبو کو بھول سکتا نہیں
تمھاری آنکھوں کی ہر لمحہ یاد آتی ہے
حسیں لبوں کی حلاوت سی ہے مٹھاس کہاں
تمھاری سانسوں کی گرمی بہت ستاتی ہے
تمھارے پیار میں کہتا ہوں گیت اور غزلیں
تمھیں میں پا لوں یہی ایک میرا ارماں ہے
میں چاہتا ہوں تمھیں زندگی سے بھی زیادہ
بنا تمھارے کہاں زیست میری آساں ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?