By: Fazlul Hasan
مسکرا دیتے کبھی ہاتھ ہلا دیتے ہیں
چٹکیوں میں وہ مری بات اڑا دیتے ہیں
حسن سے حسن سلوک ان کو برا لگتا ہے
بے وفا ہونے کا الزام لگا دیتے ہیں
آزمانے کی ضرورت ہی نہیں پڑتی ہے
اپنی اوقات کو خود لوگ بتا دیتے ہیں
کیا عداوت مرے خوابوں کو ہے جانے مجھ سے
میرے سوئے ہوئے جذبات جگا دیتے ہیں
خود بخود قوت برداشت بھی آ جاتی ہے
حادثے حادثوں میں جینا سکھا دیتے ہیں
ہیں رقیبوں میں مرے کیسے خدا داد ہنر
گیلی لکڑی میں بھی یہ آگ لگا دیتے ہیں
ایسے معصوم گناہوں کو خدا بخشے گا
میں نہیں پیتا حسن لوگ پلا دیتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?