By: Sahar Abidi
سب ہی ممالک کے پرچموں کو
تم اک ادارے کے ہیڈ آفس میں نصب کر کے سمجھ رہے ہو
تمام جھگڑے نمٹ گئے ہیں
دلوں سے احساس خوف
ذلت کے داغ ماتھوں سے مٹ گئے ہیں
تو یہ غلط ہے
یہ سب ادارے جو امن عالم کے خواب تم کو دکھا رہے ہیں
یہ تم کو محکوم رکھنا چاہتے ہیں
ان ممالک کا جن کو زعم سکندری ہے
مفاد ان کا جو زد پے آے
تو ایک لمحے میں امن
عالم تباہ کردیں
جب ہو تمہارا مفاد زد پے
تو ویٹو پاور سے کام لینا ہے ان کا شیوہ
اے میری دنیا کے لوگو آو
ہم اپنے پرچم خود اپنے ہاتھوں میں لے کے اتنے بلند کردیں
کہ وہ ستاروں کے ہم نشیں ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?