By: Ahmed Faraz
خود کو تیرے معیار سے گھٹ کر نہیں دیکھا
جو چھوڑ گیا، اُس کو پلٹ کر نہیں دیکھا
میری طرح، تُو نے شبِ ہجراں نہیں کاٹی
میری طرح، اس تیغ پہ کٹ کر نہیں دیکھا
تُو دشنہِ نفرت ہی کو لہراتا رہا ہے
تُو نے کبھی دشمن سے لپٹ کر نہیں دیکھا
تھے کوچہِ جاناں سے پرے بھی کئی منظر
دل نے کبھی اس راہ سے ہٹ کر نہیں دیکھا
اب یاد نہیں مجھ کو فراز اپنا بھی پیکر
جس روز سےبکھرا ہوں سِمٹ کر نہیں دیکھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?