By: Azra Naz
مجھے لگتا ہے اِک پل بھی تمہارے بِن سزا جیسے
تم آتے ہو تو ہو جاتا ہے دِل کو آسرا جیسے
تمہاری زندگی میں اب ہماری حیثیت کیا ہے
پرانے طاق میں رکھا ہوا کوئی دیا جیسے
سماعت دیتی رہتی ہے مجھے تنہائی میں دھوکا
مجھے اکثر لگا کہ تم نے کچھُ مجھ سے کہا جیسے
یقیں مجھ کو نہیں اِس کا مگر اکثر یہ لگتا ہے
کہ پیچھا کر رہی ہو میرا کوئی بد دُعا جیسے
گو توُ ہم میں نہیں باقی مگر لگتا ہے ماں مجھ کو
ہر اِک نعمت تمہاری ہی دُعا کی ہو عطا جیسے
شبِ تنہائی میں یادیں تِری یوں جگمگاتی ہیں
ہتھیلی پر مِری رکھا ہو اِک روشن دیا جیسے
ہم ایسے زندگی کی راہ میں بھٹکا کیۓ عذراؔ
پراۓ شہر میں کوئی مسافر بے نوا جیسے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?