By: Dr.Muhammed Husain Mushahid Razvi
مصطفاے ذاتِ یکتا کی نرالی شان ہے
آپ کا خُلقِ معظّم بے گماں قرآن ہے
بحرِ عصیاں میں سراپا غرق تھا جو ، وہ عرب
حق شناسی پاگیا یہ آپ کا احسان ہے
وہ کہ جو اَخلاق سے عاری تھے بزمِ دہر میں
حُسنِ سیرت کی نبی نے دیدیں اُن کو دان ہے
وہ کہ جو تھے ہر نفَس فتنہ و شر میں منہمک
جذبۂ ایثار کا بخشا اُنھیں سامان ہے
دُخترِ حوّا کو حاصل ہوگیا جینے کا حق
یارسولِ ہاشمی یہ آپ کا فیضان ہے
برقِ انگشتِ نبی کا اب بھی ہے مہ میں نشاں
آج تک اس بات پر سارا جہاں حیران ہے
ہے مُشاہدؔ آپ کا واصف رضا کے فیض سے
ہند میں لاریب! جو کہ آپ کا حسّان ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?