By: Dr.Zahid Sheikh
ہنستے ہوئے ہی زیست گزاری نہیں جاتی
روئے بغیر دل کی اداسی نہیں جاتی
کاغذ کے پھول ہم نے سجائے ہیں اب خزاں
تو دیکھ ان کے چہروں کی لالی نہیں جاتی
جیسے ہوں ویسے آئیں نظر تو یہی بہتر
میک اپ سے بڑھتی عمر چھپائی نہیں جاتی
کوئی تو بات کیجیے ،کچھ ہم بھی کہہ سکیں
بن آگ کے تو آگ جلائی نہیں جاتی
جب سے گئے ہیں آپ عجب گھر کا حال ہے
اس گھر کی ، میرے دل کی ویرانی نہیں جاتی
تلقین کیجیے تو عمل بھی ہو ساتھ ساتھ
پند و نصیحتوں سے برائی نہیں جاتی
صورت وہ میری آنکھوں میں پھرتی ہے آج بھی
کوشش کے باوجود بھلائی نہیں جاتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?