By: Fazlul Hasan
یا رب ہمارے بیچ سے نفرت نکال دے
ایسا ہو اتحاد کہ دنیا مثال دے
ہر درد عاشقی مرے حصے میں دال دے
نازک سے اس کے دل کع نہ رنج و ملال دے
منھ سے تو چھین لے جو نوالہ حرام ہو
عزت کے ساتھ بس ہمیں رزق حلال دے
سیرت سے ہی حسن کی پہچان کر سکیں
نادان عاشقوں کو وہ ذوق جمال دے
باطل کی ساری فوجیں ہوں از خود ھی سر نگوں
کردار میں ہمارے وہ جاہ و جلال دے
ہر کام چھوڑ چھاڑ کے چل د یں نماز کو
مسجد کی ہر ازان کو رنگ بلال دے
لکھنے میں حق کی بات نہ کانپیں کبھی بھی ہاتھ
یا رب مرے سخن کو تو ایسا کمال دے
ارماں ‘ حسن ‘ کا ہے وہ مقدر ہو یا نبی
وقت اجل جو آپ کے قدموں میں ڈال دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?