By: dr.zahid Sheikh
جتن خوشیوں کی خاطر ہر کوئی دنیا میں کرتا ہے
مقدر کا لکھا پر کوششوں سے کیا بدلتا ہے
مرے فن کا قدر داں ہے ، مرے شعروں پہ مرتا ہے
مگر مجھ کو شریک زندگی کرنے سے ڈرتا ہے
مجھے اس سے گلہ ہو کیوں جو اس نے مجھ کو نہ چاہا
بنا مطلب بھی کیا کوئی کسی سے پیار کرتا ہے
نمی آئے نظر کیسے کہ صحرا ہیں مری آنکھیں
مگر صحرا کے پیچھے غم کا اک طوفاں بہتا ہے
مرے اندر ہیں چیخیں اور لب پر گہری خاموشی
مرا دل غم کی سب باتوں کو بس چپ چاپ سہتا ہے
تتمنا کر کے کیا پایا ، تمنا کس لیے آخر ؟
نہ دل ہو سینے میں زاہد جو صبح شام جلتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?