By: Mohammed Masood
مجھے اجازت نہیں ہے لیکن
دلوں سے چاقو گزارنے کی
کنارِ چشم ِ وفا سے آنسو گزارنے کی
مجھے اجازت جو یار دیتا
میں اپنے غم پر کتاب لکھتا
لہو سے لکھتا کہ میں نے اس کے
ستم کی راتیں گزاری کیسے
فراق رت کی سیاہ چادر پہ کیسے ٹانکے
وفا کے تارے
برہنہ گلیوں پہ کیسے اوڑھے
سکوت کے چاندمیں نے
رگوں کے وحشی سمندروں کو
سکون کی رات کیسے دی ہے
جدائیوں کی قیامتوں کو
گزارا کس درد میںہے میں نے
مجھے اجازت جو یار دیتا
الم کی لکھتا وہ داستانیں
کہ پڑھنے والے بھی چیخ اٹھتے
دلوں کے کالے بھی چیخ اٹھتے
مجھے اجازت نہیں ہے
لیکن
دلوں سے چاقو گزارنے کی
کنارِ چشم ِ وفا سے آنسو گزارنے کی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?