By: Shakira Nandini
ارے او کِسان
اختیار کی باتیں تیری، بیکار ہے
اتنا تو، تُو سمجھدار ہے
جوجان سکے
یہ مان سکے
پہچان سکے
کہ کس کی یہاں سرکار ہے
ارے او کِسان
تیری طرح تیرے کھیت بھی بیکار ہیں
کوڑیوں کے بھائو، تیری پیداوار ہے
پھر کیوں تُو روتا ہے
آنکھ کی روشنی کھوتا ہے
دربدر بھٹکتا ہے
یہاں نہیں کوئی تیرا پیروکار ہے
ارے او کِسان
تُو کھیل کُچھ کرکٹ جیسا، جو جاندار ہے
یا دیکھ سینما، جو وزن دار ہے
لوگ دیکھیں
تالیاں پِیٹیں
تجھ سے کس کو سروکار ہے
تیرا آسرا صرف پروردگار ہے
ارے او کِسان
ارے او کِسان
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?