By: NADIA TARIQ
تیرے جلوؤں کے سبھی چاہنے والے دیکھے
عشق نے حسن کے انداز نرالے دیکھے
بزمِ کونین میں تیری ہی نشانی دیکھی
ہستئی ذات میں تیرے ہی حوالے دیکھے
تھا جنوں ایسا کہ رہوار منزل نے کہیں
زخم دیکھا نہ پڑے پاءوں پہ چھالے دیکھے
عیش و عشرت میں یہاں جھوٹ کو پلتےدیکھا
سچ کو پینے پڑے جو زہر کے پیالے دیکھے
اپنی یادوں میں ہے آباد اک ایسا بھی نگر
تیرگی میں جہان صبح کے اجالے دیکھے
اپنے دشمن سے عداوت کا گلہ کیسے ہو ؟
اپنے ہی یار کے ہاتھوں میں جو بھالے دیکھے
خطیبِ شہر کے لہجے میں عاجزی دیکھی
قلب و باطن میں وہی ‘عجب‘ کے جالے دیکھے
یہ ذکرِ نیم شبی، درس و بیاں، خوب مگر
تیرے جزبوں پہ وہی عقل کے تالے دیکھے
حسن پھر چاند ستاروں میں دکھائی نہ دیا
شیخ کے تلوؤں میں وہ نور کے ہالے دیکھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?