By: muhammad nawaz
کیا پوچھتے ہو عشق نے کیا کیا دیا نہیں
بڑھ کر جنوں سے اور کوئی معجزہ نہیں
کچھ لوگ محبت کو بھی گردانتے ہیں جرم
کچھ بھی نہ کیا جرم یہ جسنے کیا نہیں
سیکھا ہی نہیں مانگنا تیرے بغیر کچھ
جس میں نہیں ہو تم ، کوئی ایسی دعا نہیں
لمحے میں تھم گئی ہیں ستاروں کی گردشیں
میں نے تو ابھی وقت سے کچھ بھی کہا نہیں
اک تھی سمے کی لہر جو اٹھ کر فنا ہوئی
اک یہ سیلاب اشک کہ اب تک رکا نہیں
میری متاع ناز فقط بندگی تو ہے
اس ناز نے مجھکو کبھی گرنے دیا نہیں
اے پردہ نشیں خاک نشینوں کی بات مان
ہے کونسا وہ راز جو ہم پر کھلا نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?