By: muhammad nawaz
فریب وقت جاری ہے گماں ہے نازنیں تم سا
حقیقت یہ کہ ہر لمحہ یہاں کا بے یقیں تم سا
ابھی اس نقش کو رہنے دے میری سوچ کا محور
کہاں سے ڈھونڈ کے لائیں گی یہ آنکھیں حسیں تم سا
تو سوچو کس قدر تفریق سے عالم مزین ہے
کوئی خاک آشنا مجھ سا کوئی مر مر نشیں تم سا
یہاں کچھ تم سے بھی بڑھ کر ہیں دیکھے پیار کے پیکر
مگر دل کا وہی فتوی نہیں کوئی نہیں تم سا
اسے میں باندھ کر رکھ لوں تنفس کے جھروکوں میں
کہیں جھونکا ہوا کا ہو اگر تازہ تریں تم سا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?