By: م الف ارشیؔ
کچھ تو مجھ پر بھی تُو نظر کر دے
" زِیر ہوں میں مجھے زَبر کر دے "
چند لفظوں میں جو سمجھ آئے
بات اتنی تو مختصر کردے
دل میں اپنے مجھے بسا لے وہ
دل کو اس کے تو میرا گھر کر دے
لوگ سچے یہاں پہ جو بھی ہیں
ان کو میرا تو ہمسفر کر دے
جا مجھے چھوڑ کر چلی جا تو
قصہ یہ بھی تو مختصر کر دے
جس نے برباد کر دیا مجھ کو
مولا اس کو بھی در بدر کر دے
میری ہو جائے بد دعا یہ غلط
مولا اس کو بھی معتبر کر دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?