By: Hasan Shamsi
لرزاں قدم زمیں پہ ، نظر آسمان پر
پر ہوش کے لگا لے تو اپنی اڑان پر
لاحق ہے خطرہ شہر کے امن و امان پر
پھر ٹھپہ اک لگا گیا کوئی مکان پر
دریا مچل رہا ہو تو اک گھونٹ لے ہی لو
پیاس اتنی مت بڑھاؤ کہ بن آئے جان پر
بھرتے ہیں پارسائی کا دم میری سب یہاں
مشکوک ہو ئئے نہ لبوں کے نشان پر
مشکل بہت ہے بچنا حسینوں کے دام سے
رہتے ہیں تانے تیر وہ اپنی کمان پر
بس ناتواں دلوں پہ ذرا رحم کیجئیو
کمسن ترا شباب یے اپنی اٹھان پر
تنگ آ کے راستوں کے نشیب و فراز سے
اب گامزن ہے زیست بس اپنی ڈھلان پر
کفر اس سے بڑھ کے اور بھلا ہو گا کیا ‘ حسن ‘
ہے بغض و کینہ ذہن میں کلمہ زبان پر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?