By: Azra Naz
اپنی آنکھوں کے ستاروں کو نہ مدہم کرنا
کچھ بھی ہو جاۓ نہ پلکوں کو کبھی نم کرنا
غم کا احساس نہ خوشیوں کی طلب ہے کویٔ
جب نہیں کچھ بھی تو پھر کس لیے ماتم کرنا
دِل ہی ٹوٹا ہے ذرا اور کویٔ بات نہیں
تم مری جان مزاج اپنا نہ برہم کرنا
لوگ کہتے ہیں محبت کو ذوال آتا ہے
تم کسی طور محبت نہ کبھی کم کرنا
اپنی ہستی کی الگ کویٔ نہ پہچان رہے
خود کو چاہا ہے تری ذات میں یوں ضم کرنا
جتنا شکوہ ہو تو اک پل میں مٹا دیتا ہے
کس سے سیکھا ہے بتا شعلوں کو شبنم کرنا؟
زخم تازہ ہیں ابھی تک غمِ تنہایٔ کے
ہم کو آیا نہ کبھی زخم کو مرہم کرنا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?