By: Azra Naz
اب فریب اُلفت کا ہم کبھی نہ کھائیں گے
دِل اگر نہ مانے گا، دِل سے رُوٹھ جائیں گے
تنکا تنکا کر ڈالا آشیاں کو آندھی نے
ہم نے تو یہ سوچا تھا آشیاں سجائیں گے
ہم شکست خوردہ ہیں سب لکھا ہے چہرے پر
دِل کا حال دنیا سے کِس طرح چھپائیں گے
وقت گر کبھی ہم کو دور لے گیا تم سے
شہر میں تمہارے پھر لوٹ کر نہ آئیں گے
چبھ رہی ہیں آ نکھوں میں کرچیاں سی خوابوں کی
اب کبھی نہ آنکھوں میں خواب ہم سجائیں گے
وقت گر مقدر سے مل گیا کبھی ہم کو
داغِ دِل زمانے کو کھول کر دِکھائیں گے
زندگی مشقت ہے ، سچ سہی مگر عذرا
دیکھنا ہتھیلی کے زخم رنگ لائیں گے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?