By: Dr.Muhammed Husain Mushahid Razvi
اب آو وصفِ شہِ دوجہاں کی بات کریں
بہم اسی طرح ہم توشئہ نجات کریں
فناے کوچہ جاناں بقا سے افضل ہے
ہے زیست زیست جو طیبہ دن و رات کریں
حیات قید ہے زندانِ عیش و غفلت میں
مرا خیال اے آقاے کائنات کریں
زمینِ ہند پہ فسطائیت کا غلبہ ہے
حضور! دُور ستم کی سیاہ رات کریں
نشانہ جبر و تشدد کا بن رہے ہیں ہم
حضور! دُور ستم کی سیاہ رات کریں
پڑے ہوئے ہیں مسلماں کی زیست کے لالے
حضور! دُور ستم کی سیاہ رات کریں
ہر ایک سُو ہے مُسلّط شرارِ بُو لہبی
حضور! دُور ستم کی سیاہ رات کریں
دیارِ غیر میں جینا ہے شاق ہم سب پر
حضور! دُور ستم کی سیاہ رات کریں
ہماری حالتِ خستہ سے آپ واقف ہیں
انیٖسِ بے کساں کچھ فضل والتفات کریں
مٹا دیں ظُلمتِ قلبِ مُشاہدؔ خستہ
اے شمعِ نور مجلّا مری حیات کریں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?