By: FAHEEM UR REHMAN FAHMI
دلوں میں ہے نفرت زباں پر محبت
تماشہ ہے یارو یہاں پر محبت
تجھے دیکھا ایماں محبت پہ آیا
وگرنہ فقط تھی زباں پر محبت
مجھے تم نےمحروم رکھا ہے چن کر
لٹاتے ہو سارے جہاں پر محبت
خریدار ہوں میں بھی جاؤنگا لینے
بتاؤملے گی کہاں پر محبت
یہ انساں تو فانی ہے مٹنے کی شے ہے
رہے گی زمیں آسماں پر محبت
نہ تم اسکو ناپو نہ ہم اس کو تولیں
کہ بھاری ہے سارے جہاںپر محبت
ہے رب کی محبت کا بس ایک حصہ
اتاری ہے اس نے جو ماں پر محبت
کسی کو بھی تکلیف مجھ سے نہ پہنچے
یہ جزبہ جہاں ہے وہاں پر محبت
ضرورت پڑے جب کسی کربلہ میں
تو چڑھتی ہے نوکِ سناں پر محبت
عبادت کے زمرے میں آتا ہے لوگو
نچھاور کرو نا تواں پر محبت
وطن میں بسیرا ہے نفرت کا فہمی
ہو نازل مرے آشیاں پر محبت
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?